Tim地带

我可以话俾你知,我做人冇乜目标,有时都觉得冇乜意义,但两样野係我生命好重要组成既一部分,一样叫足球,一样叫利物浦

当你沦落到连睇欧联都要上网睇既时候,只要睇得到,其实都係冇问题.我was sure我可以睇到,因为琴日都可以睇到,因为一直以黎网速够既话我未试过睇唔到广体.未试过?凡事都要第一次,你钟意睇利物浦吖嘛?就稳你利物浦既比赛黎做第一次,吹咩?!

作为凡夫俗子既我当然吹唔涨. 五点半起身,谂住准备好,慢慢享受刺激而又期待既球赛,准备好又一次喺电脑面前支持我既利物浦.你准备好係你既事,个天係唔俾你睇啊,吹咩.一百次可能得一次睇唔到,就係等你睇利物浦先睇唔到.

好,睇唔到比赛,唔起都起左身,,咁睇下文字直播啦下.说时迟那时快,我挑佢老板,只见一只甴曱喺我电脑台度行.自从我从广州番呢度后,呢间屋日日都咁多甴曱,我唔知佢地喺边度黎,但本身番黎心情已经唔好,见到d甴曱真係眼火爆.

而家居然杀到上我电脑台?我挑佢老味扑佢个街!佢老板佢喺我电脑台都行都算,正当我想赶走佢时,佢居然一跃上我间床度.我叼佢老板,不如我同你一齐训埋吖好唔好?佢老味.继续又想捐入我电脑主机度.我挑佢老板佢唔怕死我都怕台电脑坏啊!

冇波睇,训觉有甴曱,呢d咩生活啊?我唔係要话自己几惨,惨呢d野,你要同非洲或者中国山区比,冇得比.但係呢d咁既野只会越来越增强呢度同广州既对比!唔好同我讲咩番广州稳食艰难,根本而家讲紧既焦点唔係果度.而且我够知广州稳食难咯,如果广州稳食易我番x左去十九几年啦!

我可以话俾大家听,我喺port macquarie有一段时间係可以唔会成日想住番去,唔係因为朋友多,唔係因为果度既靓,而係当时至少我有得睇波!你要知道我呢个人由细到大冇咩兴趣.我唔钟意好似人地咁一日烂街,我唔钟意玩刺激游戏,玩,我冇咩兴趣成日去玩,学习,我冇咩兴趣读书.好多野我都冇咩兴趣(当然该有兴趣既都会有兴趣,但暂时呢个兴趣未有目标俾我发展到),所以可以坐喺度,好好咁睇一场足球比赛,睇一场利物浦既比赛,对于我黎讲已经係好多既乐趣了.

但当咁多既乐趣都冇既时候,我喺澳洲有何欢乐可言?!时间一日一日继续好似而家咁过,只会加深我对国内既思念,只会令我难以向前望,难以喺度进步!唔好同我讲呢d野係靠自己,唔好同我讲咩点解人地适应到你成日抱怨.我够知靠我自己啦,我够知人地适应到咯,但我係一个只要开心,只要有正面推动,做咩都会冲满电,一旦做野环境令我感到失望,就会做事毫无魄力.唔好又同我讲咩咁样唔得,我个人就係咁,性格使然,我改变唔到.

我知道好多人话我俾好多籍口自己唔去努力.呢样我承认,问题当然係出现喺我自己度.但我就係一个咁既人,一部难以启动既车.呢部车个个都赞係好车,个个都话好有潜质,但佢地发觉,呢部车根本好难启动到,因为呢部车并唔係一部可以好轻易就狂飙既车,呢一部係一部需要好多好多动力先推得到既车.

好多人都鼓励过我,好多人都听过我发牢骚.我好多谢佢地.但当我连最基本既乐趣都冇既时候,我真係有少少提唔起劲去努力.当我见到眼前呢一切,我谂到既只係回国.我知道无数人会话"喂,你咁细路仔架".係,某程度上我同意.但我无奈,就係因为呢个行为仅仅限于"想",因为想,但做唔到,现阶段冇可能番到国内,所以先无奈,所以先烦,所以先写一大篇野发泄.

因为冇睇到呢场波,所以睇唔到呢场波变成左对澳洲生活失望既一个缩影同写照,引申开以下咁多野,真係唔好意思.

本来想继续写,但呢个时候收到利物浦对阿仙奴既比分,係全场特别下半场都算处于下风既情况下,能够作客1:1逼和阿仙奴,而且取得一个客场入球,对于利物浦同利迷黎讲,都算係一个几理想既结果.所以心情都好番d了.

而家我又面对一个调整期.我知道我而家唔係继续需要亲朋好友点鼓励,点支持,因为我得到过好多了.我明白以后条路係自己行,要靠自己,唔好俾籍口自己.呢d理论上既野我全部都明白.我自问我係一个理智,但心理承受能力,毅力,意志力都极差既一个人.希望,只係希望,我呢部车可以尽快启动到.只要启动到,上到高速公路,以后既目标,就会越来越近,路标,亦会越来越清晰,前进,亦会有左方向.