Tim地带

以下既内容其实係节选自我琴日喺qq度同人讲既内容.因为我懒得再重新写一篇,所以只係将我琴日喺qq度讲既野排一下版,再加d修饰或者添加d细节,就变成下面呢篇野了.好,入正题.

最近都唔知点解突然拱感性,睇到伍晃荣既消息都眼湿湿.

琴日睇到一篇报道一个17岁患病既利物浦球迷既故事果阵,又眼湿湿.

好似伍晃荣,虽然唔识佢真人,但由细听佢报新闻听到大,咁突然就走左,好似走左个朋友咁.听佢讲足球新闻简直就係一种乐趣."波係圆既",呢句话相信喺华南地区无人不晓.

而利迷果单新闻,係一位叫做Liam Harker既17岁利物浦球迷,佢患左胃癌.身体状况而家每况愈下.佢现时喺纽卡素的医院,佢希望可以飞去晏菲路睇利物浦主场对车路士既比赛,可惜医生话佢既身体状况已经唔容许佢飞过去了,即使係短程trip.

但佢自己好坚强,佢话一定会喺电视之前睇利物浦对车仔既比赛.当我见到呢单新闻既时候,个心已经好唔开心.然后我见到有人评论呢单新闻既时候留言,话希望佢可以挨到下个星期睇利物浦对车仔既比赛果一下,真係差d留眼泪水出黎.

姐好身同感受.自己都係差唔多咁大,都係利迷.但见到果位利迷朋友既果份无奈,果份坚强,真係感触良多.
今日唔知听日事,连可唔可以睇到爱队既下一场比赛都唔知道,令人悲伤之余又令人感触.人生便是如此.
 

所以我成日谂,每日起身,发现自己仍然活着,其实都已经係一件幸运既事情.

我仲有咁多野未做过,未经历过,未见证过.而且我又仲未回报我屋企人.以上咁多野都係要活着先有可能做到.但係个天要我点,我都冇办法改变到.如果个天要你听日就结束你人生旅程,咁只能讲係不幸.所以如果个天係容许我继续活下去既话,咁某程度上都可以话係幸运既. 

其实谂到呢度,我就已经好多谢上天.因为我仍然活着.我仍然有机会去尝试好多事情,我仍然有机会去经历好多事情,我仍然有机会见证好多事情,同埋,我仍然可以努力回报我既屋企人.

喺呢度亦好希望liam可以早日康复.希望有朝一日我地可以同时喺晏菲路入面观看,支持我地爱队.希望你可以支持落去!

利迷为你整既banner,对车仔果场你应该可以喺电视机度见到了.你要坚持,球队,球迷都会同你一齐战斗!you'll never walk alone.