Tim地带

save and load,保存和读取.相信每一个人玩游戏既时候都会做既事情.有时候可能係今日玩住咁多先,save左,听日在load番黎玩,亦可能係玩到一d时候,为左确保自己能够喺游戏中取得胜利,会先save左,万一又任何不测,load档即刻再黎过,方便快捷.

细个我成日会谂,假如我可以将时光停留或者身体可以隐形,我便可入去百货公司随便攞走自己喜欢既玩具.我承认当时好天真好傻,如果我可以隐形,时光可以停留,仲去攞玩具?梗係去做d堕落,唔道德,禽兽般既事情啦(俗称既为所欲为).

但到左今日,我希望既唔再係什么时光倒流啊隐形啊飞天遁地之流既东西,而係觉得,假如人生可以save,然后又可以load,咁係几咁好.

s/l的作用有好多.我相信每个人都做过好多自己后悔既事情,好多甚至係走左不归路,后悔却冇得番转头.如果可以load番转头,我好希望可以从我小学重新黎过,改变自己.小学唔可以的话,都希望可以load番中学开始,重新做人,今时今日既我或者唔会好似而家咁堕落了.

人生又会充满好多好多抉择.从细个去买糖定买咩味道,到大过d选择学校,选择工作,到成家既时候选择对象拉埋天窗,到选择投资,做生意既时候,都係一个又一个可能遇到既分叉路.
假若有人生可以s/l,你可以喺结婚之前save下,当你后悔"哗,我当初点会稳件咁既野架"既时候,你可以load一下,番到去结婚前既时间,谂起都令人兴奋.

当你准备要面对一段惬意既时间,然而呢段时间迟早会结束,点扮呢?开始呢段时间前save下先啦,到时想再经历体验下呢段时光既时候再load番出黎.我之前番左广州六个月之久,咁从我番到广州第一日,我就save左先,到左而家喺澳洲唔係过得咁顺意,又可以load番去再过多次呢六个月,係几咁欢既一件事情呢.

可惜,上述既东西都係天马行空,现实冇save/load,否则边度有失望?冇失望,又点会有惊喜?有s/l,唔会出现怀斯既乌龙,利记可能出现喺今年既欧联决赛,但有s/l,亦唔会出现05年既利物浦奇迹.有s/l,可能我地可以把握到每一个得到快乐既机会,却或许会错失遇到更快乐同遇到更好既机会.人生最大既无奈係你永远唔知道下一秒发生咩事,人生最大既乐趣亦係你永远唔知下一秒发生咩事.

话虽如此,没有s/l既人生,总係充满遗憾.好似我呢种完美主义者,一个小小既瑕疵,一个小小既美中不足,都会使人觉得非常遗憾,而且会困扰我好长既时间,呢个问题亦令我好头痛,对我身心健康都唔会係好事.当然,现实生活中s/l係冇可能出现了,所以我需要学会一样事情,係一位朋友教我既:"要学会欣赏自己既不足".i wish有一日我可以做得到.

其实好多人话我既blog唔似写日记,而係似写心情.其实我觉得,呢d心情都係我过既每一日既印记.正因为我过每一日都遇到唔同既事情,从而衍生出好多既感想.其实呢d感想都係我个人比较多愁善感既一个缩影.每到夜晚训落床,即使係我最眼训最眼训既时候,亦需要半个钟头先能够入睡.无非係因为一到夜晚,个脑就会特别多野谂.呢篇野只係我喺个脑谂既野度抽取一部分出黎,然后变成感想罢了.

讲起身似乎好耐冇人喺我个blog留言....虽则话写日志唔完全係为左俾人睇,但好老实讲,如果真係完全唔需要人地睇,我就唔使写上网啦...所以如果各位有睇到既话,都係希望您地可以留一留言,话我知你地睇过...当然如果乜都冇睇过,咁就唔使留言喇,始终我呢度唔係qq空间,唔需要赚积分.